Бак-дарак гүлдөп гүлүн ачкан,
Алма-өрүк аппак гүлүн чачкан.
Сагындым жыпар айыл кечин,
Кызарып ысык күндүн баткан.

Чымчыктарым сулуу чырылдашкан,
Агарып таң чыгыш жактан.
Сагындым айыл аппак таңын,
Күн нурун жерге жылуу чачкан.

Кайырма:
Ташкыны дайралардын,
Күкүктүн сайраганы.
Кызгалдак талаа, түздө,
Кызарып жайнаганы.

Кар кетип, суулар ташып аккан,
Чөп чыгып, күн нурун чачкан.
Сагындым жашыл көктөм жазын,
Кызарып тоого күндүн баткан.

Бак-дарак гүлдөп гүлүн ачкан,
Алма-өрүк аппак гүлүн чачкан.
Сагындым жыпар айыл кечин,
Кызарып ысып күндүн баткан.