Эне тилсиз эр болбойт,
Эр сүйбөгөн жер болбойт.
Эне тилин билбеген,
Эч нерседен тең болбойт.
Элин-жерин сыйлаган,
Эч нерседен кем болбойт.

Кайырма:
Дилим, дитим кыргызым,
Кыргыз – күйгөн жылдызым.
Дүңгүрөткөн Дүйнөнү,
Эне тилин туу кылган,
Кыргыз уулу Чыңгызы.
Өскүн-өнгүн, элим-жерим,
Менин кыргызым, кыргызым ай,
Жылдызым...

Ар улуттун ар дайым,
Эне тили апасы.
Эне тилде берилет,
Ар бир элдин батасы.
Эне тилин билбеске,
Элдин тийсин жазасы.

Кайырма: