Арнаймын мен, арнаймын ак дилимден ырым силерге,
Аруу жүз, ак сүйүүнүн көркү силерде.
Ак куу моюн, ак маралдай кыргыз кыздары,
Чамам да жок, чаркым жок баарын сүйөргө.

Кайырма:
Гүл кыздар,
Эмне үчүн сулуусуңар?
Эзилген жүрөгүмдү,
Эмнеге туйбайсыңар?
Гүл кыздар,
Гүлгө окшоп жайнайсыңар.
Күлгүндөй жаш жүрөктү,
Күн-түнү арбайсыңар.

Айгеримдин чийилген каштары жагат,
Айперинин керилип басканы жагат.
Жамилянын жайдары күлкүсүн кантем?
Айнуранын жолукпай качканы жагат.
Кайырма:

Көнүп калган окшоймун го,
Жеңил олжого.
Эми кантем, капырай, калдым ортодо.
Бирисин да калтырбай мен кыргыз кыздарын,
Бүтүн баарын сүйүп калдым, ой тобо.